Churz vor Wiehnachte im Joor 2018 hei mir über d Corinne erfahre, dass es di git.
Als mir vo dinere Gschicht erfahre hei, dass du die fiisi Kranket Cushing hesch u nümm lang läbe darfsch deswege. Hei mir uns drotzdäm derzue entschidä, dir es Däheim z gäh, will mir uns gseit hei mir wei di nid im Tierheim stärbe loh, kei Läbewäse hätti das verdient, ohni eimol es feschts Däheim zha und vo Mensche gliebt z wärde .
Am 7.Januar 2019 ischs denn sowit gsi, du bisch zu eus cho
wahnsinnig ängstlich gegrüber vielem. Au sehr schwiirig isch es gsi am Anfang mit de andere Hünd, was mir gmeinsam, mit Vertraue ,mit Geduld und Zit gschaft hei, dass du jedem andere Hund so freudig und liäb begegnet bisch.
Dini Freud hesch du mir dim unverkennbare Kopfschüttlä zeigt und somit s Härz vo vielne Mensche im Sturm eroberet, au euses.
Im September 2020 denn die Schocknachricht e Milztumor.
Dir isch es drno de Umständ entsprechend, aber guet gange, plötzlich am 26.04.2021 nümm. Mir hei uns derzue entschidä di über d Rägebogebrugg loh z go.
damit du nid lide muesch, dass hättisch du nid verdient. Parker du bisch e sone tolle und liebenswerte Bueb gsi.
Mir dankä dir vo ganzem Härze für jede schöne Moment, jedi einzeli Stricheleinheit, jede Augenblick wo mir hei dörfe mit dir ha.
Mir si unänlich truurig, dass du nümmi bi eus bisch. Glichzitig si mir aber sehr dankbar, dass du doch no über zwei e halb Joor bi eus hesch dörfe si.
Büüübbii mir wärde di nie vergässe, wärde di für immer in Eusem Härze trage
Manuela & Marc