Flyn

Min liebä Flyn,

sie säged, Erinnerigä sind Gold wert und viellicht isch das wahr. Ich ha niä Erinnerigä wellä, ich ha nur dich wellä. Wenn mini Liebi allei, dich het chönä rettä, wärsch du niä gstorbä.

Vor 4 Jahr bisch du us Rumäniä i mis Lebä tretä. Untergwichtig, veränstiget und schwer misshandlet bisch du gsi. Vo Afang a, häsch du mir es Vertrauä gschenkt, wo nid in Wort z beschriebä isch. Du häsch gwüsst, mi ghöred zämmä. Du häsch glernt, dass es au no liebi Menschä uf dä... Welt git. Vo Tag zu Tag bisch du muetiger, stärcher, ufgstellter wordä und häsch dich zumänä wunderschönä Hund entwicklet. Du bisch unglaublich sozial gsi und zu jedem und allem immer lieb und fründlich. Egal öb Menschä, anderi Hünd, eusi Rössli oder d'Büsi, es hät für dich kein Unterschied gmacht.